Lollywood fun for you

کل رینالہ خورد نہر میں عاشق معشوق نے چھلانگ لگا دی خاتون   کو ریسکیو اہلکاروں نے بچا لیا جبکہ مرد اندھیرے میں نزدیکی کنارے سے نکل کر گھر چلا گیا ریسکیو والے 16 گھنٹے ڈھونڈ ڈھونڈ کر تھک گئے آج پولیس کو بیان دینے کے بعد ریسکیو آپریشن بند کر دیا گیا، پولیس نے مقدمہ درج کر لیا   اَخیر نہیں کر دِتی یَار                             

Bazm e tariq aziz پاکستان ٹیلی وژن کے پروگرام ’’ نیلام گھر ‘‘ سے شہرت حاصل کرنے والے میزبان طارق عزیز84برس کی عمر میں انتقال کر گئے، ان کے پروگرام کے آغاز پر بولے جانے والے الفاظ کئی دہائیوں سے زائد عرصہ گزرنے کے باوجود آج بھی لوگوںکو یاد ہیں ۔ طارق عزیز نے 1974سے پی ٹی وی کے کوئز شو ’’ نیلام گھر ‘‘ کا آغاز کیا ۔ طارق عزیز کے پروگرام کے آغاز پر بولے جانے والے الفاظ ’’ ابتدا ء ہے رب جلیل کے بابرکت نام سے جو دلوں کے بھید خوب جانتا ہے ، دیکھتی آنکھوں اور سنتے کانوں کو طارق عزیز کا سلام پہنچے ‘‘ آج بھی لوگوں کو اچھی طرح یاد ہیں ۔40 برس سے زیادہ عرصے تک جاری رہنے والے اس پروگرام کو بعدازاں طارق عزیز شو اور بزم طارق عزیز کا نام دیدیا گیا ۔

Sana on you tube لالی ووڈ سٹارثنا نے بھی اپنا یوٹیوب چینل لانچ کر دیا ،بچوں کوعمران خان کے ویژن کے مطابق  پودوں کی دیکھ بھال کا طریقہ سکھانے اورنشوونما کے لئےمستند فوجی کی طرح ایکسرسائز کرانے کی پہلی ویڈیو نے ہی پرستاروں اور عوام کی بھرپور توجہ حاصل کر لی۔ تفصیلات کے مطابق لالی ووڈسٹار ثنا نے یوٹیوب پر اپنا چینل ثنا فخر آفیشل کے نام سے لانچ کر دیا ہے۔   قرنطینہ  میں اپنے چینل پرپیسے کمانا کوئی ان سے سیکھے جنہوں نے بچوں کے ساتھ مل کر پودوں کی دیکھ بھال اور ان کی نشو و نما کیلئے گھر میں ہی ایکسرسائز کرائی۔ ثنا کی پہلی ہی ویڈیو کو پرستاروں اورعوام کی بھرپور توجہ حاصل کرلی اور انہیں بے پناہ پذیرائی حاصل ہوئی ہے۔اداکارہ نے اپنے پرستاروں سے کہا ہے کہ اگر ان کی کوئی اچھی کہانی ہے تو اسے شیئر کریں جسے وہ اپنے چینل پر ناظرین سے شیئر کریں گی

میرا کے والد نے دستاویزی شہادت جمع کروا دی، عدالت نے وکلا کو بحث کے لیے طلب کرلیا- لاہور سیشن کورٹ میں اداکارہ میرا کے نکاح کی اپیل حتمی مراحل میں داخل ہو گئی۔ عدالت میں میرا کے والد نے دستاویزی شہادت جمع کروا دی۔ عدالت نے وکلا کو بحث کے لیے طلب کرلیا۔سیشن عدالت میں اداکارہ میرا کے تنسیخ نکاح کے کیس کی سماعت ہوئی۔ عدالت کے روبرو اداکارہ میرا کے والد نے دستاویزی شہادت جمع کروائی۔ جس میں بتایا گیا کہ عتیق الرحمان بیٹی کو کافی عرصے سے ہراساں کررہا ہے (جس پر عدالت کا ہاسا نکلتے نکلتے بچا) ،  وہ عدالت کو جعلی تصاویر دکھا کر گمراہ کررہا ہے۔ بیٹی پاکستان کی مشہور فلم اسٹار ہے۔ عتیق الرحمان جھوٹی شہرت چاہتا ہے۔ درخواست گزار نے استدعا کی کہ عدالت فیملی کورٹ کے فیصلے کو کالعدم قرار دینے کا حکم دے۔فیملی کورٹ نے عتیق الرحمان کو ادکارہ میرا کا شوہر قرار دیا تھا۔اس فیصلے کو ادکارہ میرا نے سیشن کورٹ میں چیلنج کررکھا ہے۔  

    اداکارحمزہ علی عباسی نے کہا ہے کہ انسان کی حقیقی زندگی موت کے بعد شروع ہوتی ہے۔اداکار نے سماجی رابطے کی ویب سائٹ ٹوئٹرپرکہا کہ دوسروں کے ساتھ خاص طورپراپنے خاندان والوں اورغریبوں کے ساتھ نرمی کا برتاؤکریں   اداکارنے مزید کہا کہ ایمانداربنیں اوراس بات کویقینی بنائیں کہ آپ کے کسی بھی اقدام یا برے الفاظ سے دوسرے محفوظ رہیں، صدقہ کریں، انسان کی حقیقی زندگی موت کے بعد شروع ہوتی ہے، سکون اللہ ہی کی طرف سے ہے۔